已經耐冇寫嘢了，可能已經失去了依份習慣，但有人一直希望寫翻D嘢，哪怕唔係寫其它人，都希望我記錄翻多少自己生活的點點滴滴（其實係有人不憤我從來不寫佢） 

      聖誕假期已經放了一半了，其實生活依然保持住讀書時期有勤又有懶的節奏。首先應該多謝IVY的介紹俾我有機會到了診所學習，總算免得讓我終日無所事事。另一方免，前一段日子JJ幫我報名參加了我人生第一個歌唱比賽，算係一個令我幾有求勝慾望的比賽，因為攞咩物質嘅獎品獎金唔重要，我最希望得到李克勤喺演唱會上頒獎甚至同佢一齊在台上唱歌那一剎。我相信有甘嘅緣分的觀衆冇幾多個，哪怕換者別的歌手演唱會，有甘嘅機會去爭取亦都係冇幾多次。所以從肯定自己要參賽的一剎那我就好想唱好那幾首歌。第一次演出其實冇甚么緊張，但我意識到自己根本就係一個害羞嘅人，面對台下不到100觀衆，我心情還算平靜，但神態和表情已經變得很不自然了。當我完成第一次演唱後，我聽到我D朋友嗌得最大聲，起碼我都安慰自己我唱得還算穩定，於是我都順利通過咗第一輪。又過了一個禮拜，今次朋友和現場的觀衆更多了，我意識到決賽的來臨，同時亦都覺得自己比之前緊張多了。第二次的演出有點倉促，而且舞台表現更是比之前一次難睇，一切都同我原本猜想的相反了。所以當時表演完後仲以為唱得OK嘅我，到睇翻自己嘅video先覺得真係失敗了。雖然對最後選出嚟名次有點意外，對冇機會見李克勤感到可惜，但講真今次經歷都學到咗好多好多。而且喺度仲應該感謝一班好朋友賞面嚟睇我演出，多謝佢哋俾我意見，特別要感謝從報名到結束一直一直陪住我練歌，又喺幕後打理一切嘅Manager JJ小姐。

       半個充實的假期就係在一場華麗的燈光舞台下結束了。

       聖誕節又到了，一直幻想者去Vegas見李克勤的願望落空了，但總想在聖誕去一趟旅行的願望卻一直冇放棄過。再經過幾日再三商討後，未來的幾日總算有了個滿意的安排，目前剩低嘅就祇有等待那一刻。今年甘鬼凍的聖誕，我同JJ同一班朋友總算可以一齊過個開心嘅白色聖誕了。

       來US快5年了，過往開心與不開心的遭遇都已經成歷史，今日的生活已經變化好大了，依然會有好長的一段路要走，但說真的，目前基本穩定下來的一切，我肯定係自己活得最真，最冇思想負擔的生活，我覺得自己心境清凈多了，既不用再去擔驚受怕，亦不用變得虛偽。我真的祇是一個普通路人罷了。